Судиите на Светското фудбалско клупско првенство ќе носат камери на дресовите, а снимките ќе бидат достапни за радиодифузерите за време на мечевите на ова натпреварување, кое летово ќе се одржи во САД.
– Ова е добра можност да им се понуди на гледачите ново искуство, во однос на сликите снимени од перспектива, од агол кој досега не бил понуден – изјави денеска Пјерлуиџи Колина, претседател на Комитетот за судии на Меѓународната фудбалска федерација (ФИФА), а пренесува Би-Би-Си.
Судијата Џеред Жилет стана првиот што носеше камера за време на премиерлигашкиот натпревар меѓу Кристал палас и Манчестер јунајтед (4:0) во мај минатата година.
Овие судиски камери првпат беа тестирани минатата сезона на натпреварите од англиската младинска лига, а судењето беше продолжено за оваа сезона, откако резултатите покажаа помала стапка на злоупотреба на судиите.