Вечерва ќе биде познат освојувачот на трофејот во Лигата на шампионите за сезоната 2023/24. Во финалето на митскиот „Вембли“ во Лондон ќе се соочат пријатното изненадување Борусија Дортмунд и фаворитот Реал Мадрид, а почетокот на пресметката е во 21 часот.
Борусија Дортмунд има еден трофеј и тоа од сезоната 1996/97 по победата од 3:1 над Јувентус во финалето. „Жолто-црните“ имаат уште една пресметка за трофејот, во сезоната 2012/13, но тогаш на „Вембли“ загубија од големиот ривал Баерн Минхен со 1:2.
Од друга страна, Реал Мадрид победи во дури 14 од своите 17 финалиња низ историјата на турнирот. Така денеска „кралскиот клуб“ ќе го брка својот 15. трофеј во натпреварувањето и доколку го освои ќе го подобри сопствениот рекорд по титули во ЛШ.
Ова ќе биде „последниот танц“ за Марко Ројс кој изјави дека вечерва ќе му биде последниот натпревар во кариерата.