Познато е дека Новак Ѓоковиќ секоја година е специјален гостин на Вимблдон, каде неодамна Кејт Мидлтон најчесто му го доделуваше трофејот. А Ноле не заборави на манирите и на „кралскиот код“ со кој ги воодушеви Британците.
Принцезата од Велс Кејт Мидлтон со месеци не се појавуваше во јавноста и ги загрижи сите поради тоа, за во петокот да објави дека и е дијагностициран рак на 43-годишна возраст. Поради ова, таа беше подложена на „превентивна“ хемотерапија, а сите се надеваат дека тоа ќе и помогне да ја победи порочната болест, за повторно да се најде на Централниот терен на Вимблдон и да му го додели трофејот на шампионот, како што тоа го правеше со години.
Навикнати сме Кејт Мидлтон да го дели теренот со Новак Ѓоковиќ , седумкратниот шампион на Вимблдон, кој ниту во победи ниту во порази не го заборави кодексот на однесување на најголемиот тениски турнир во светот, спонзориран од кралското семејство на Обединетото Кралство.
Што е тоа? Новак Ѓоковиќ секогаш ја покажувал својата почит кон Кејт Мидлтон со тоа што и се поклонувал пред да го земе победничкиот пехар (или многу поретко „плочата“ за поразените), што е во согласност со „кралскиот протокол“. За разлика од него, многу тенисери со кои играше во финалето би заборавиле на тоа, но Ѓоковиќ се сети дури и кога минатата сезона загуби од Алкараз во финалето по битка во пет сета. Неговиот потег го забележал младиот Шпанец кој потоа го следел и го направил истото.
Погледнете како изгледаше минатата година на Вимблдон, кога и покрај се имаше доволно концентрација да застане и благо да се поклони, што Кејт Мидлтон сигурно го ценеше.
Интересно е што во 2019 година и самата Кејт Мидлтон го прекрши „кралскиот протокол“ кога триумфираше Ноле, но не поради Србинот, туку поради Роџер Федерер. Таа му ја стави раката на рамото на поразениот финалист и кратко разговараа, што беше неприфатливо за кралското семејство кое според правилата не смее ниту да подаде рака и да честита на теренот. Кејт Мидлтон беше жестоко критикувана поради тоа, па оттогаш не ни помислила да повтори слично нешто.