Петар Грашо е познат со години како еден од најдобрите вокалисти, а неговите песни се обожавани од публиката низ целиот регион.
Покрај неговиот извонреден глас, тој е познат и по својот софистициран моден вкус, а во последните години забележуваме дека не ги вади очилата за сонце ни лето ни зима, туку ги носи дури и по стемнување.
Како што се дозна сега, Петар Грашо носи очила, не само како моден додаток, туку и од посебна причина.
Имено, пејачот носи диоптерски очила со фотохромни леќи кои автоматски се прилагодуваат на условите на осветлување и се многу погодни за луѓе кои претпочитаат комбинација од мода и функционалност.
-Леќите ефикасно ги блокираат УВ зраците и можат значително да се затемнат, до 80 проценти, на отворено, обезбедувајќи заштита од отсјај, пишуваат хрватските медиуми.
Фотохромните леќи, како оние што ги претпочита популарниот пејач, нудат практично решение за луѓе со потреба од корекција на видот, кои исто така сакаат практична заштита од сонце.
Можноста за безбедно преминување од затворен простор на отворен простор, а воедно и одржување на оптимален вид е клучна предност на овие специјализирани леќи. Овие очила исто така обезбедуваат удобност и јасност на видот во различни услови на осветлување.
Иако според бонтонот не е соодветно да се носат очила за сонце во затворени простории, Петар Грашо има изговор бидејќи ги носи првенствено за видот.