Рим Рауда, семеен психолог, со години ја проучува емоционалната сигурност кај децата. Таа анализирала повеќе од 200 деца и дошла до заклучок дека тонот на целиот ден се формира дури и пред детето да излезе од дома. Не го одредуваат шарените распореди и обврски, туку колку детето се чувствува сигурно и поврзано со родителот, пишува Си-би-ес-ен.
Според нејзините наоди, најсреќните и ментално најстабилните деца растат во средина каде што односот е поважен од контролата, особено наутро. Родителите кои му обезбедуваат на своето дете чувство на сигурност често имаат девет едноставни утрински навики што го поддржуваат развојот на нервниот систем и емоционалните способности на детето.
Прво смирете се, а потоа поврзете се со вашето дете
Пред да се разбуди детето, родителот треба да одвои една минута за себе. Неколку длабоки вдишувања, кратка тишина со кафе или брза медитација можат да направат голема разлика. Децата црпат мир директно од нашиот нервен систем. Ако родителот мирно го започне денот, тоа му обезбедува на детето стабилна емоционална основа за остатокот од денот.
Започнете го денот со поврзување, а не со поправање
Наместо веднаш да прашате дали ги измил/а забите или ја спакувал.а чантата, одвојте момент за да воспоставите контакт. Поглед во очи, насмевка или нежен допир испраќа јасна порака: ти си им поважен/а од утринското брзање. Таквиот пристап го смирува детето и ја олеснува соработката.
Најдете моменти на мир во утринската брзање
Малите рутини што го забавуваат темпото создаваат чувство на сигурност. Тоа може да биде тивка музика за време на појадокот, неколку минути без екран или краток семеен момент пред да излезете од дома. Детето така учи дека мирот постои дури и кога утрото е хаотично.
Внесете смеа во утрото
Дури и кога ќе се истури млеко или ќе се изгуби чорапот, малку игра може да ја промени атмосферата. Смешен глас, краток танц или мала шега помагаат да се намали тензијата и да му се покаже на детето дека грешките не се опасни.
Емоциите треба да бидат поважни од обврските
Пред да го испланирате денот, одвојте време за краток разговор за вашите чувства. Прашања како „Како се чувствуваш денес?“ или „Што те радува?“ развиваат емоционална писменост, клучна за долгорочна стабилност и задоволство.
Телесен контакт по правило
Утринската прегратка, бакнеж или неколку секунди галење го поттикнува лачењето на окситоцин и го зајакнува чувството на сигурност. Експертот им советува на родителите секое утро свесно да одвојат барем три моменти за физички контакт, без оглед на темпото.
Утро без екран
Првите 20 минути по будењето нека ги поминат без телефони, таблети и телевизори, и за родителите и за децата. Тоа отвора простор за разговор или тишина што го продлабочува односот.
Почитувајте го темпото на детето
Децата функционираат поинаку од возрасните. Нивната бавност не е непослушност, туку природен ритам. Додадете неколку минути на секоја утринска активност и обидете се да се координирате со детето. Она што изгледа како одложување е често начинот на кој детето го обработува светот околу себе.
Создадете момент на блискост пред да излезете од дома
Наместо брзо „Ајде, оди“, одвојте момент за вистинско збогување. Поглед, прегратка и кратка реченица за уверување можат да значат многу. Додајте нешто на што ќе му се радувате подоцна, како на пример: „Едвај чекам да ми раскажеш што си правел/ на училиште вечерва“.
Рим Рауда ги потсетува родителите дека утрата не мора да бидат совршени или брзи. Ако детето не ја завршило домашната задача, тоа не го одредува целиот ден. Најважно е да се создаде чувство на емоционална сигурност. Дури и една од овие навики може да го промени начинот на кој детето го започнува денот и позитивно да влијае на развојот на неговиот мозок.