Потребно:
5 јаболка
120 гр гриз
120 гр кафеав шеќер
120 гр брашно
1 прашок за печиво
1 лажичка цимет
100 гр путер
Подготовка:
Прво излупете ги јаболката, па изрендајте ги и додадете цимет. Измешајте ги преостанатите суви состојки, а дното на кружниот калап во кој ќе го печете колачот премачкајте го со малку путер.
Во калапот ставете една третина од сувата смеса, па половина од јаболката, па повторно една третина од сувата смеса, па остатокот од јаболката и одозгора последната третина од сувата смеса.
Над колачот изрендајте малку путер, па ставете колачот да се пече на 180 степени околу 35 минути додека не добие златно-кафеава боја.