Американскиот претседател Доналд Трамп изјави дека ќе распореди федерални агенти за имиграција на аеродромите доколку демократите во Конгресот не се согласат веднаш да ја финансираат безбедноста на аеродромите.
„Ќе ги распоредам нашите извонредни и патриотски агенти на американската Служба за имиграција и царина (ICE) на аеродромите, каде што ќе осигурат безбедност каква што немало никогаш досега“, напиша Трамп на социјалните медиуми.
Во меѓувреме, вработените во Администрацијата за безбедност на транспортот (TSA) се изложени на ризик да не добијат втора целосна плата поради делумното запирање на работата на владата, кое сега влезе во својот 36-ти ден. Причината е тековниот политички спор околу финансирањето на Министерството за внатрешна безбедност.
Во последните недели, многу вработени во Администрацијата за безбедност на транспортот почнаа да земаат боледување поради недостиг на плата. Недостигот на персонал доведе до сериозни тешкотии и доцнења на главните аеродроми во земјата. (МИА)