Во рамки на Институтот за јавно здравје (ИЈЗ) повеќе од 10 години се чувале 10 тони опасен хемиски отпад, што можел да предизвика хаварија и претставувал голем ризик за здравјето на луѓето и безбедноста.
Како што информираше вчера директорката на Институтот, Марија Андоновска, отпадот е моментно безбедно отстранет и нема да остане во државата, туку ќе биде согорен надвор.
Се работи за исцедоци од лабораториски анализи, хемикалии од различен вид и во различна агрегатна состојба.
Синоќа Андоновска сликовито ја запозна јавноста со тоа за каков отпад станува збор.
-Спречена хаварија, безбедно отстранет 10 тони опасен хемиски отпад, чуван непрописно повеќе од 10 години и претставуваше сериозна закана за безбедноста и јавното здравје.
Државата се сака со работа и дела! Благодарност до сите кои учествуваа во оваа активност, која не беше нималку лесна, објави синоќа на својот Фејсбук профил директорката на Институтот за јавно здравје, д-р Марија Андоновска.