По повеќекратните експлозии што го потресоа Иран денеска, земјата одлучи да го затвори својот воздушен простор шест часа, изјави портпаролот на Организацијата за цивилно воздухопловство, Маџид Ахаван.
Во разговор за новинската агенција ИРНА, Ахаван рече дека воздушниот простор ќе биде затворен за да се обезбеди безбедноста во воздухот.
Силни експлозии се слушнале во различни делови од Техеран, а густ чад бил видлив во центарот на градот.
Според извештаите, експлозиите се случиле на две различни локации во Техеран.
Израелскиот министер за одбрана, Израел Кац, претходно изјави дека Израел започнал превентивен напад врз Иран за да ги отстрани заканите за безбедноста на земјата и дека е прогласена вонредна состојба низ целата земја. (МИА)