Денес општина Бутел започна активности за изградба на 40 пешачки и пристапни патеки до станбените згради во Скопје Север. Градежните активности предвидуваат реконструкција на пристапните влезови до станбените згради на улиците „Боро Менков”, „Лазо Москов”, „Гоце Стојчевски” и „Костурска”.
Покрај тоа, новите пешачки патеки ќе го олеснат движењето на граѓаните и ќе спречат поплавување на влезовите на зградите. Реализацијата на проектите во Скопје Север претставува исполнување на предизборните ветувања на градоначалникот, за еднаков и рамномерен развој на сите населени места во општината.