СДСМ се наоѓа во очајна состојба и падна до толку ниско ниво што дури и соопштенија што ги добиваат од српски ментори не ги преведуваат како што треба. Однесувањето на СДСМ е гола борба на Венко Филипче да ја задржи лидерската фотелја , оцени потпретседателот на ВМРО ДПМНЕ, Александар Николоски во интервјуто на ТВ Сител.
-Мислам дека ова е дел од една изгубеност, Венко Филипче се обидува по секоја цена да ја задржи позицијата во партијата и наеднаш се проблематично. Да ги замолам подобро да ги преведуваат соопштенијата од српски јазик, македонскиот јазик е јазик без падежи, така што да ги замолам подобро да преведуваат кога добиваат готови соопштенија од Србија во партија, за подобро да можеме да ги разбереме, рече Николоски.