Аеродромот во Виена утрово е затворен поради замрзнат дожд. Привремениот прекин ќе трае најмалку до 11 часот денеска, поради што се откажани или пренасочени голем број летови.
Поради замрзнатиот дожд отежнато се одвива и железничкиот сообраќај во Виена, во Долна и Горна Австрија и во Бургенланд. Отежнат е железничкиот сообраќај и кон аеродромот во Грац.
Поради замрзнатиот дожд затворен е аеродромот во Братислава, а ограничено работи и аеродромот „Вацлав Хавел“ во Прага.