На 29.11.2025 година во 00:40 часот, во СВР Охрид приведен е И.Д.(41) од Охрид.
При контрола во патниот сообраќај извршена на улицата „Партизанска“ во Охрид, полициските службеници сопреле моторно возило „Сузуки“ со охридски регистарски ознаки кое тој го управувал и притоа, кај него констатирале 1,67 промили алкохол во крвта.
Истиот, веднаш е исклучен од сообраќај и по целосно документирање на настанот, против него ќе биде поднесена кривична пријава по член 297 од Кривичниот законик „Безобѕирно управување моторно возило“.