– Но, мировните напори се спречени од војната, што значително ќе влијае на иднината на Газа, истакна неименуваниот арапски извор.
– Најдоброто сценарио за кое земјите од Персиски Залив (главно Саудиска Арабија) веруваат дека е создавање на сосема нов палестински ентитет, кој ќе го контролира Појасот Газа и ќе стане целосно демилитаризиран појас и ќе биде предмет на основни и нови безбедносни аранжмани во координација со Египет, изјави тој.
Според него сценариото вклучува и учество на Саудиска Арабија и арапските земји, кои се важни за обновата на Појасот Газа.
Додека според неименуван израелски политичар „не треба да се исклучи вмешаноста на Саудиска Арабија дури и во администрацијата на Појасот Газа следниот ден по војната“.
Постигнувањето на каква било заедничка визија, сепак, ќе биде комплицирано. Од една страна, Ријад тврди дека војната мора да заврши за да продолжат преговорите за нормализирање на ситуацијата. Од друга страна, Ерусалим пред крајот на конфликтот сака да знае каква би била улогата на Саудиска Арабија во повоената Газа.