Во текот на вчерашниот ден, во Европскиот парламент учествував на Европската лидерска конференција и свое обраќање имав на панелот посветен на стабилноста на Балканот и Европска безбедност, информира владината портпаролка Марија Митева.
-Недвосмислено истакнав дека европска безбедносна иднина не може да биде комплетна без Западниот Балкан. Македонија, но и регионот, имаат долг пат зад себе, исполнет со предизвици, неуспеси и моменти на сомнеж, но, покажавме упорност, храброст и силна верба во европската идеја темелена на вредности, не на непринципиелни барања, посочи Митева.