Десеттиот јубилеен состанок за ретки болести на Југоисточна Европа почнува денеска Охрид и ќе трае до 4 октомври.
На состанокот ќе учествуваат експерти, лекари, научници, пациентски организации и претставници од здравствените институции од Југоисточна Европа и пошироко. Ќе се дискутира за најновите достигнувања во дијагностиката и терапијата, ќе се разменат искуства и ќе се дефинираат стратегии за подобрување на квалитетот на животот на пациентите со ретки болести, информираа од организацискиот одбор.
Годинава, посочуваат, одбележуваме значаен јубилеј – десет години посветеност, соработка и напредок во справувањето со предизвиците на ретките болести во регионот.