Во Општина Карпош за градоначалничката функција се борат Сотир Лукровски од ВМРО-ДПМНЕ, Маја Мојсова Мијовска од СДСМ и актуелниот градоначалник Стевчо Јакимовски од ГРОМ. Слоганот на Стевчо е „да го одбраниме Карпош“, а во меѓувреме Стевчо Јакимовски го поврзуваат со СДСМ. Се јавува сомнежот „Дали нивниот кандидат е само про-форма?“
Стевчо Јакимовски секогаш добивал гласови од СДСМ. Гласачкото тело на СДСМ е поделено во Карпош меѓу нивниот кандидат Маја Мојсова и Стевчо Јакимовски. Тој со сите бил во коалиција. Затоа има логика да има негативна кампања против него, вели Петар Арсовски.
Кандидатот на ВМРО-ДПМНЕ, Сотир Лукровски доаѓа од бизнис секторот, од СДСМ е докторката Маја Мојсова и трет е Стевчо Јакимовски. Според Арсовски во прв круг во предност е кандидатот на ВМРО-ДПМНЕ. Доколку се спојат гласовите на Мојсова и Јакимовски во втор круг тогаш би било тесно.
За Стевчо Јакимовски има логика да има конфликт со ВМРО-ДПМНЕ. Тие се релативно дисциплинирана партија. Единствената логика е Стевчо да се надева на свои гласови и гласови на СДСМ. За него е идеално да биде во тепачка со ВМРО-ДПМНЕ. За него најлоша ситуација е да се скара со Маја Мојсова од СДСМ, додава Арсовски.
Но, тоа што Стевчо Јакимовски е во конфликт само со ВМРО-ДПМНЕ ја лепи етикетата на Јакимовски со СДСМ.
<iframe width=”700″ height=”397″ src=”https://www.youtube.com/embed/BTcrMBwD4Fc” title=”ЕСПРЕСО Еп. 10: Квалитетни кампањи или многу лаги? – откриваме со Петар Арсовски” frameborder=”0″ allow=”accelerometer; autoplay; clipboard-write; encrypted-media; gyroscope; picture-in-picture; web-share” referrerpolicy=”strict-origin-when-cross-origin” allowfullscreen></iframe>