Одбојкарската репрезентација на Италија го освои петтиот златен медал на Светските првенства, откако во големото финале ја совлада селекцијата на Бугарија со конечни 3-1, по сетови 25-21, 25-17, 17-25 и 25-10.
За нашиот источен сосед ова беше прво мундијалско финале после цели 55 години.
Италијанците важеа за големи фаворити во пресрет на мечот и комплетно ја оправдаа улогата. Најефикасен во победничкиот тим беше Јури Романо со 22 поени, а Матија Ботоло додаде уште деветнаесет.
„Аѕурите“ со овој триумф ја одбранија шампионската титула освоена на претходното Светско првенство и уште еднаш покажаа дека се меѓу најголемите сили во овој спорт.