Стојкоски со отчет: Во изминатите четири години реализиран е историски најголем инвестициски циклус

Да се биде на чело на една општина како Ѓорче Петров, која во последниве години го доживува најголемиот подем во своето постоење е огромна чест, одговорност и привилегија. Нашата заедничка приказна е приказна за труд, чесност и дела што оставаат трајна вредност, порача првиот човек на општина Ѓорче Петров Александар Стојкоски на синоќениот отчет за сработеното.

Како што нагалси, во изминатите четири години реализиран е историски најголем инвестициски циклус. Тој ги наброја сработените проекти:

– 150 нови и реконструирани улици низ сите населби – повеќе од 142 милиони денари вложени, а до крајот на мандатот уште 100 нови улици и краци.

– Нова спортска сала во Хром – првата во ова училиште, вредна скоро 20 милиони денари.

– 8 нови спортски терени и реконструкции – модерни игралишта во сите населби, нови терени со вештачка трева, тартан подлога и мултифункционални површини.

– Нова општинска зграда – дом на сите услуги на едно место, симбол на модерна и отчетна администрација.

– Реконструкција на најстарата улица Радушка – нов асфалт, канализација, тротоар и осветлување.

– Реконструкција на старото училиште во Кучково – прв Регионален центар за деца кои го победиле карциномот во целиот Балкан.

– Нова детска градинка во Стопански двор – капацитет за над 150 деца, инвестиција од 60 милиони денари.

– Пречистителна станица и колектор во Орман – трајно решение за отпадните води, европски стандарди и здрава животна средина.

– Бесплатна градинка и оброци за 135 деца на бранителите – со посебна почит кон семејствата кои најмногу дале за Македонија.

– Нов локален пат Волково – Орман – инвестиција од 17 милиони денари, клучна за отворање индустриска зона и економски развој.

Градоначалникот на Ѓорче вели дека во изминатите четири години:

– Целосно ги отплативме наследените 4 милиони евра долг.

– Вложивме 300 милиони денари во капитални проекти, што е повеќе од било кога досега.

– Тројно го зголемивме буџетот, а тоа значи повеќе пари назад кај граѓаните – во образование, социјална заштита, спорт, култура и поддршка за ранливи категории.

– Она што порано се правеше за три години, денес го правиме за една. Она што изгледаше недостижно, денес е реалност. Но ова е само почеток и само дел од сработеното, рече тој и најави ннови капитални проекти – изградба на нови детски градинки, проширување на училиштата, нови улици и модерна инфраструктурна мрежа што ќе го подигнат Ѓорче Петров на уште повисоко ниво на развој.

– Следуваат уште четири години работа, проекти и победи. Ѓорче Петров ќе продолжи да расте, да се развива и да остсне дом на сите нас, заврши Стојкоски.