Генералниот секретар на НАТО, Марк Руте, изјави дека дискусиите во Белата куќа не вклучуваат испраќање трупи во Украина .
Тој ја опиша средбата меѓу американскиот претседател Доналд Трамп, украинскиот претседател Зеленски и европските лидери како „многу успешна“.
Во интервју за „Фокс њуз“, Руте потврди дека темата за „војници на терен“ „воопшто не била дискутирана“.
Разговорите се фокусираа на можните безбедносни гаранции на САД за Украина. Руте рече дека лидерите разгледуваат безбедносна рамка моделирана според Член 5 на НАТО, кој би ги обврзал сојузничките земји колективно да одговорат во случај на идна агресија врз Украина.
Шефот на НАТО, исто така, го нарече Трамп „прагматичен миротворец“ и ги истакна напорите за започнување дијалог со Русија.