Фудбалскиот свет е обвиен во црно. Фудбалерот на Ливерпул, Диого Жота (29) и неговиот брат Андре Силва (25) загинаа во ужасна сообраќајна несреќа во Шпанија.
Според извештајот на Шпанската цивилна гарда, несреќата се случила во четврток околу полноќ во покраината Замора. Браќата патувале во Ламборџини кога, додека престигнувале, пукнала гума. Автомобилот излетал од патот, а потоа се запалил. Изгореле до непрепознатливост, за жал, немало начин да се спасат.
Трагедијата се случи само 11 дена откако Жота се ожени со својата долгогодишна партнерка, а тој тргна на своето фатално патување со автомобил бидејќи не му било дозволено да лета поради мала хируршка процедура.
Според „Ојого“, погребот на Диого Жота и неговиот брат ќе се одржи во сабота во 11 часот наутро (10 часот по локално време), а нивните тела пристигнаа во четврток навечер во нивниот роден град Гондомар, кој се наоѓа во близина на Порто. Таму, семејството, роднините, пријателите и соиграчите ќе ги испратат до нивното последно почивалиште.
Пред мртовечницата во Шпанија пристигнаа нивни роднини, кои со специјални возила ги подигнаа телата на двајцата браќа.
Диого Жота го носеше бројот 20 за време на неговиот престој во Ливерпул, а по неговата смрт, многу навивачи го повикуваат клубот трајно да го повлече. Тие на социјалните мрежи велат дека ова би бил најдостоинствениот начин да му оддадат почит. Ливерпул никогаш порано не повлечел број, па затоа ова би бил преседан во историјата на клубот. Ваквите потези се ретки во англискиот фудбал, иако има примери како што се Вест Хем и Боби Мур и Манчестер Сити и Марк-Вивиен Фое. Клубот сè уште официјално не ја објавил оваа можност.