Две лица го загубија животот во Франција откако силна бура ја погоди земјата синоќа, по период на интензивна топлинска преса, јавуваат француските медиуми.
Една од жртвите е 12-годишно дете кое настрадало во регионот Тарн-ет-Гарон, на југот од земјата. Детето било погодено од дрво што се урнало додека со семејството се обидувало да се евакуира од зоната зафатена од невремето.
🇫🇷⛈Les orages de cette nuit ont causés la mort de 2 personnes.
Un enfant de 12 ans est décédé dans le Tarn-et-Garonne après la chute d’un arbre, et un homme de 59 ans a trouvé la mort en Mayenne en percutant un arbre tombé sur la route.
Des dégâts matériels ont été signalés,… pic.twitter.com/hpJGqT53XJ
— LMS Radio, La Musique Star 🎗 (@LAMUSIQUESTAR) June 26, 2025
Во друг случај, на северозападот на Франција, возач загинал кога удрил во стебло што го блокирало патот откако било срушено од силниот ветер.
Ветерот дуваше со брзина до 120 километри на час, а француските власти издадоа аларм за опасни временски услови во 57 региони.
⚡️🇫🇷‼️AGORA— Mais de 39.000 raios: Fortes tempestades atingem a França
A tempestade chegou a Paris por volta das 21h, trazendo chuva forte, granizo e ventos fortes. pic.twitter.com/JLliXNNl2v
— Conservatism And Elegance 🇺🇲 (@ThayzzySmith) June 26, 2025
Премиерот Франсоа Бајру упати апел до населението во засегнатите области да бидат крајно претпазливи.
Силниот дожд предизвика и поплавување во зградата на Националното собрание, токму додека се одвивала парламентарна седница.