Денеска и утре во Хаг, Холандија, се одржува Самит на НАТО.
Македонската делегација ја предводи македонската претседателка Гордана Сиљановска Давкова. Во состав на државната делегација предводена од претседателката ќе бидат министерот за надворешни работи и надворешна трговија, Тимчо Муцунски, министерот за одбрана, Владо Мисајловски и началникот на Генералштабот на Армијата, генерал-мајор Сашко Лафчиски.
Се уште нема официјална потврда дали Сиљановска Давкова таму ќе има средба и со бугарскиот премиер Росен Жељазков.
Освен актуелните случувања во светот, централна тема на Самитот, ќе биде предлогот на САД, земјите членки да ги зголемат трошоците за одбрана на 5% од бруто-домашниот производ (БДП), дупло од актуелниот праг. Македонија моментално одвојува 2,2% од својот БДП за одбрана и е на 11. место по висината на трошоците.