Земјотрес со јачина од пет степени според Рихтеровата скала денеска ја погоди јапонската префектура Фукушима и околните области, соопшти Јапонската метеоролошка агенција.
Земјотресот се случи во 2:49 часот по локално време во градот Хиноемата и во многу други области во префектурата, како и во префектурите Точиги и Гунма, се вели во соопштението, пренесе агенцијата Кјодо.
Земјотресот се случил на длабочина од 10 километри под областа Аизу во Фукушима.
Засега нема информации за штети и повредени. (МИА)