Американската влада вчера објави дека одобрила продажба на дополнителни ракети воздух-земја и поврзана опрема во вредност од околу 39 милиони долари кои ќе и бидат обезбедени на Јапонија, објавија јапонските медиуми.
Агенцијата за одбранбена безбедносна соработка претходно истиот ден го извести Конгресот за планот за ракетите, познат како JASSM-ER.
Со оглед на зголемените безбедносни предизвици кои доаѓаат од Кина и Северна Кореја, Јапонија ги зајакнува своите одбранбени способности.
Јапонската влада побара да купи до 16 ракети JASSM-ER, соопшти Агенцијата за соработка.
-Предложената продажба ќе ги поддржи надворешнополитичките и националните безбедносни цели на Соединетите Држави преку зајакнување на безбедноста на клучниот сојузник кој е сила за политичка стабилност и економски напредок во индо-пацифичкиот регион, се вели во соопштението.