Најстудено утрово е на Попова Шапка -4 степени, а таму има и највисока снежна покривка од 43 сантиметри, соопшти УХМР.
Под нулата е и во Берово со -1 степен, нула во Крушев, еден во Прилеп и Струмица, два во Битола, Демир Капија, Штип и Кавадарци, три во Охрид, четири во Гевгелија, Велес и Куманово, а шест степени се измерени во Скопје.
Во Маврови Анови има 29 сантиметри снег, а во Крушево шест.
Претпладне по одделни котлини, особено во Пелагонија ќе има појава на магла и ниска облачност. Во текот на денот ќе биде променливо облачно со сончеви периоди. Вдолж Повардарието ќе дува слаб до умерен ветер од северен правец. Максималната температура ќе достигне од 5 до 14 степени.
Во Скопје претпладне ќе има услови за појава на слаба магла, а во текот на денот ќе преовладува променливо облачно време со слаб северен ветер. Максималната температура ќе достигне до 10 степени.