Републиканската партија на претседателот Доналд Трамп ја задржа контролата врз Претставничкиот дом, објавија денеска Си-Ен-Ен и Ен-Би-Си, една недела по изборната победа која му овозможи втор мандат.
Веќе беше познато дека Републиканците ќе ја имаат контролата врз Горниот дом – Сенатот, каде демократите претходно имаа тенко мнозинство под претседателството на Џо Бајден.
Со освојување на Претставничкиот дом, Трамп ќе има широка власт за спроведување на својата политичка агенда – вклучувајќи строга имиграциска политика и намалување на даноците – без поголема опозиција од демократите, наведува ДПА.
Процесот за потврда на владини службеници и судии ќе се забрза, отстранувајќи ја пречката за контролирање на авторитарните тенденции на Трамп, заклучува германската агенција. (МИА)