Полициски службеници од Оперативен тим потраги при СВР Скопје денеска околу 14.10 часот на ул.„Ѓорче Петров“ во Скопје го лишиле од слобода Р.Р.(50) од Скопје.
-Тој бил баран по централна потерница врз основа на наредба од Основен кривичен суд Скопје за издржување казна затвор во траење од пет години за сторено кривично дело „тешка телесна повреда“ по член 131 став 2 од Кривичниот законик, информира МВР.
Лицето ќе биде спроведено во надлежната казнено – поправна установа за издржување на казната.