По уште една недела интензивни руски воздушни напади врз неговата земја, украинскиот претседател Володимир Зеленски денеска го повтори својот повик до западните сојузници да помогнат во воздушната одбрана.
Само во изминатата недела беа регистрирани повеќе од 1.100 напади со наведувани бомби и повеќе од 560 напади со дронови, објави Зеленски на X.
Русите, според него, истрелале околу 20 ракети и крстаречки ракети врз земјата.
На Украина и треба помош во заштитата на својот народ, нагласи Зеленски, кој објави и видео од последното уништување.
Соработката со западните партнери продолжува со цел да се запре теророт на рускиот непријател, рече тој.
Украинската воздушна одбрана соопшти за 80 руски напади со дронови само во текот на претходната ноќ. Повеќе од половина биле соборени.
Покрај копнените операции, Русија речиси секојдневно спроведува воздушни напади против Украина повеќе од две и пол години. Таа постојано ја гаѓаше особено енергетската инфраструктура на Украина.
Во интервју за руската државна телевизија, рускиот претседател Владимир Путин, кој нареди целосна инвазија на Украина на 24 февруари 2022 година, повторно го предупреди Западот да не го овласти Киев да користи оружје со долг дострел за да напаѓа цели длабоко во Русија.
Бидејќи Украина не би можела да изврши такви напади без помош на офицери и сателитски податоци од земјите на НАТО, Русија ќе го сфати ова како западно учество во војната, рече Путин.
Руското Министерство за одбрана подготвува различни сценарија за одговор за овој случај, додаде тој без да даде детали. (МИА)
Russia does not stop its terror against Ukraine. Daily, it launches aggression against our people, cities, and villages, using various types of weapons. This week alone, the occupiers have used over 1,100 guided aerial bombs, more than 560 strike drones, and approximately 20… pic.twitter.com/UC7dPvH5pD
— Volodymyr Zelenskyy / Володимир Зеленський (@ZelenskyyUa) October 27, 2024