Украинските власти денеска издадоа наредба за задолжителна евакуација на семејствата со деца од градот Покровск, каде се уште живеат 53.000 луѓе.
Жителите на Покровск имаат една или две недели да се евакуираат бидејќи руските сили се приближуваат кон градот во Доњецката област, изјави денеска шефот на администрацијата Серхи Добриак за Радио Слободна Европа.
Според властите, руските сили сега напредуваат толку брзо и задолжително е семејствата да го напуштат градот и другите населби во околните области. Руските трупи напредуваат кон Покровск со месеци.
Во меѓувреме, руското Министерство за одбрана соопшти дека руските војници зазеле една од најголемите населени места на периферијата на градот Торецк – градот Залижное (на руски, Артјомово) во Доњецката област.