Претседателот на САД, Доналд Трамп, изјави дека ќе работи на завршување на војната во Судан откако саудискиот престолонаследник Мохамед бин Салман Ал Сауд го замоли да интервенира во решавањето на конфликтот.
„Веќе почнавме да работиме на ова прашање“, рече Трамп за време на конференцијата на Инвестицискиот форум САД-Саудиска Арабија, еден ден по средбата со саудискиот државник во Белата куќа.
Претседателот на САД рече дека почнал подетално да се занимава со прашањето половина час откако Мохамед бин Салман ја истакнал неговата важност. (МИА)