Здравствената агенција на ОН (СЗО) денеска соопшти дека ѝ се потребни 1,5 милијарди долари во 2024 година за спасувачка помош на десетици милиони луѓе заробени во здравствени итни случаи, вклучително и во Украина и Газа.
Светската здравствена организација предупреди дека на речиси 300 милиони луѓе во светот се очекува да им биде потребна хуманитарна помош и заштита оваа година.
Меѓу нив, „околу 166 милиони луѓе ќе имаат потреба од хуманитарна здравствена помош за спасување на живот“, рече шефот на СЗО, Тедрос Аданом Гебрејесус, на настанот за промоција во Женева.
Тој рече дека неговата агенција има за цел да стигне до околу 87 милиони од оние на кои им е најпотребна, и дека ќе бара 1,5 милијарди долари за да го стори тоа.
-Како што започнува 2024 година, СЗО веќе реагира на 41 здравствена криза, вклучително и 15 од итни случаи на највисоко ниво, истакна Тедрос. (МИА)