Невреме денеска го зафати источниот дел на САД, каде на милиони луѓе им се закануваат снежни виулици, а на некои места се очекуваат и најобилните снежни врнежи во последните десет години, соопштија американските метеоролози.
Повеќе од 60 милиони луѓе се на патот на бурата, која се очекува да ја покрие источната половина на САД со арктички воздух до утре и да предизвика големи нарушувања на патувањата.
Националната метеоролошка служба предупреди на опасност од мраз, снег и силен ветер од западен Канзас до крајбрежните држави Мериленд, Делавер и Вирџинија.
Од службата предупредија дека во областите од североисточен Канзас до северно-централен Мисури ќе има „најобилни снежни врнежи во последната деценија“.
Научниците веруваат дека екстремните временски услови стануваат се почести и потешки поради климатските промени предизвикани од човекот.