Шведска ќе обезбеди повеќе од 1,4 милијарди шведски круни (126,7 милиони евра) на Украина како помош за обнова и развој, како и за итни хуманитарни потреби, изјави денеска шведскиот министер за меѓународен развој Бенџамин Доуса.
Тој на прес-конференција рече дека пакетот помош, кој е најголемата шведска програма за цивилна помош досега издвоена, вклучува и поддршка за реконструкција на уништената инфраструктура, како и за деминирање и обука на здравствените работници.
„Поддршката за Украина е прашање на солидарност, но и на безбедноста на Шведска“, додаде Доуса.