Врховниот командант на Иранската револуционерна гарда, Хосеин Салами, денеска го предупреди Израел дека ќе има „горчливи последици“ за израелските напади врз воените објекти во Иран во саботата, објавија иранските медиуми.
Салами рече дека Израел „не успеал да ги постигне застрашувачките цели“ на нападите, нарекувајќи го „погрешно проценување и беспомошност“.
Тој предупреди дека „горчливите последици ќе бидат незамисливи“ за Израел кој се бори против организациите поддржани од Техеран во Газа и Либан.
Израел започна напад врз воени објекти во Иран во саботата наутро како одмазда за иранскиот ракетен напад на негова територија на 1 октомври и нападите на исламистичките организации поддржани од Техеран, како што се палестинскиот Хамас во Појасот Газа и Хезболах во Либан.
Израелската војска ги гаѓаше капацитетите за производство на ракети и батериите за ракети земја-воздух и други воздушни системи во земјата.