Палестинската Црвена полумесечина објави дека 180 жени во Газа се породуваат секој ден во опасни и нехумани услови поради израелските напади и окупација.
Се вели дека многу од овие жени не можат да стигнат до болниците бидејќи израелските сили ги блокираат возилата на брзата помош.
За да привлече внимание на сериозноста на ситуацијата, Црвената полумесечина на социјалните мрежи го сподели разговорот од телефонскиот повик на медицинските тимови со семејството на бремена жена во Појасот Газа која не стигнала навреме во болница за да се породи.
Според аудио снимката, еден од лекарите од Црвената полумесечина, кој разговарал со сестрата на родилката, се обидел да му помогне на нејзиното семејство давајќи инструкции за да и овозможи на жената безбедно да се породи дома.
In #Gaza, 180 women🤰give birth daily under dangerous and inhumane conditions. 📍Many of them are unable to reach hospitals due to being in besieged areas, with the Israeli forces preventing ambulances 🚑from reaching them. 👇In this video, there is a call with the sister of a… pic.twitter.com/Lqh33RwVi3
— PRCS (@PalestineRCS) January 13, 2024
Претставникот на Фондот за население на Обединетите нации (УНФПА) Доминик Ален објави дека во Газа во последните 100 дена се регистрирани околу 18 илјади породувања и дека УНФПА не може да ги обезбеди потребните услуги, а состојбата во болницата е многу лоша.
Во израелските напади врз Појасот Газа од 7 октомври досега загинаа повеќе од 23.800 Палестинци, а повеќе од 60.000 беа повредени.