Според декретот потпишан од Путин, дигиталните финансиски средства може да се користат како платежно средство за увоз и извоз на стоки и услуги во рамки на законот за регулирање на валутата.
Претходно, мерката ја најави Анатолиј Аксаков, претседател на Комитетот за финансиски пазари на Руската Државна Дума.
– На руските увозници и извозници ќе им биде дозволено да го заобиколат банкарскиот систем и да склучуваат меѓусебни договори со странски компании користејќи дигитални финансиски средства. Надворешните влијанија, вклучително и непријателските држави, ќе бидат минимизирани, посочи Аксасов во изјавата дадена на 27 февруари.
Проблемите со кои се соочуваат руските банки со меѓународните плаќања, кои беа отстранети од системот за размена на финансиски пораки SWIFT во 2022 година како дел од санкциите, неодамна се зголемија.