Делегација предводена од Абдулах Бин Мухамед АлШеикх, претседател на Собранието на Кралството Саудиска Арабија – Меџлиси Ал Шура денеска ќе оствари средба со претседателот на државата Стево Пендаровски и со претседателот на Собранието на Македонија Талат Џафери, а по средбата ќе присуствува и на потпишување во Книга на впечатоци.
Претседател на Собранието на Кралството Саудиска Арабија Мухамед АлШеикх во земјава ќе престојува до петок.
Поради посетата на Мухамед АлШеикх во Скопје од понеделникот, како што соопшти МВР, до сабота ќе има променет режим на сообраќај.
Со посебниот режим кој ќе го спроведе Единицата за безбедност на патниот сообраќај ќе бидат опфатени сообраќајниците на поширокото централно подрачје на град Скопје.