Искусен падобранец со стотици успешни скокови почина на 2 април 1988 година, по бизарна грешка, а приказната сега повторно се актуелизира на социјалните мрежи.
Иван Мекгваер (35) од Илиноис, добил задача да ги снима учесниците на курсот за падобранство и нивниот инструктор во Спортскиот центар во округот Франклин, не знаејќи дека тоа ќе биде неговиот последен момент.
На судбоносниот ден, тој имал два успешни скока, а третиот пат авионот се искачи на висина од 3.200 метри. Учениците и инструкторот скокнале први, а по нив и Иван.
Камерата го снимила моментот кога ги отвораат своите падобрани и почнуваат да се спуштаат на земја. Но, потоа Иван почнува да се однесува збунувачки, а причината е ужасна.
Сфатил дека заборавил да го стави на себе падобранот!
Skydiver Ivan McGuire was filming a parachuting lesson at 10,000 ft in the air. Excited to film, he grabbed his camera and jumped from the plane. Unfortunately though, he forgot his parachute. McGuire had made more than 800 successful jumps to his name before this fatal accident. pic.twitter.com/uXLGe33kZ5
— Morbid Knowledge (@Morbidful) December 16, 2023
Падобранецот имал над 800 скокови, но на тој 2 април направи фатална грешка. Паѓал кон земјата со голема брзина, без начин да забави, а телото подоцна било пронајдено во пошумена област недалеку од пистата.
На снимката може се слушаат последните зборови на Иван, а откако сфатил дека нема падобран на грб: „О, Боже, не“.
Истражителите подоцна рекоа дека опремата што ја користел за снимање можеби го збунила и затоа не облекол падобран пред да скокне. Самоубиство било исклучено како опција, а пилотот бил испрашуван.
На крајот, било заклучено дека Иван го заборавил падобранот и дека „трагичен пропуст“ довел до трагедијата.