Националниот народен конгрес, највисокото законодавно тело на Кина, денеска ја почнува годишната сесија, на која премиерот Ли Чијанг ќе го презентира годишниот извештај за работата на владата пред речиси 2.800 делегати.
Ли ќе ги презентира клучните политички цели меѓу кои и економски раст на Кина за 2026 година.
Главниот фокус ќе биде усвојување на 15-тиот петгодишен план на Кина, кој ги поставува целите за развој за втората најголема економија во светот до 2030 година под водство на владејачката Комунистичка партија.
За време на сесијата се очекува претседателот Шји Џинпинг да се сретне со делегации од поединечни провинции.
Се очекува Конгресот, да го одобри петгодишниот план, извештајот за работата на владата и други закони на последниот ден од сесијата на 12 март.