Во Франција денеска беше објавен составот на новата влада на премиерот Габриел Атал.
Според Кабинетот на францускиот претседател Емануел Макрон, Стефан Сежурне е нов министер за надворешни работи, додека министерот за финансии Бруно Ле Мер и министерот за внатрешни работи Жерал Дарманен ќе останат на нивните сегашни позиции.
Сепак, најголемото изненадување во реконструкцијата е Рашида Дати, блиска соработничка на поранешниот претседател Никола Саркози, која е назначена за нова министерка за култура.