Силното бомбардирање на централниот и јужниот дел на Појасот Газа, кое започна синоќа, продолжи денеска бидејќи израелската офанзива против Хамас беше проширена на областите каде се засолниле Палестинците на почетокот на војната.
Жителите изјавија дека бегалскиот камп Ал-Бурејџ во централниот дел на Појасот и јужните градови Кан Јунис и Рафа, каде десетици илјади луѓе дојдоа од север бегајќи од разурнувањето.
Армијата нареди евакуација на областа во централниот дел на Појасот, каде пред војната живееле речиси 90.000 луѓе, а сега има околу 61.000 раселени лица, според податоците на ОН.
Израел тврди дека бомбардирањето и копнената офанзива се неопходни за да се уништи Хамас и да се спречи повторување на нападите на палестинските екстремисти од 7 октомври на јужна израелска територија.