На околу 10.000 палестински верници со посебни дозволи ќе им биде дозволено да го посетат Ридот на храмот во Ерусалим за време на Рамазан, објави денеска израелската влада, денот кога започнува муслиманскиот месец на пост.
За време на муслиманскиот свет месец, стотици илјади Палестинци, особено в петок, доаѓаат да се молат на Ридот на храмот, третото најсвето место во исламот, кое се наоѓа во Источен Ерусалим, во делот од градот окупиран и анектиран од Израел.
„По проценката на безбедносната состојба“, на 10.000 палестински верници ќе им биде дозволено да влезат за петочните молитви за време на месецот Рамазан, „под услов претходно да добијат посебна дневна дозвола“, објави телото на израелското Министерство за одбрана одговорно за граѓанската политика во Газа (ЦОГАТ).
Влезот ќе им биде дозволен на мажи над 55 години, жени над 50 години и деца под 12 години во придружба на нивните родители, се додава во соопштението на ЦОГАТ.