Либанското движење Хезболах денеска објави дека неговите борци се во директен конфликт со израелските војници кои влегле во либанскиот град Хиам, на шест километри од границата со Израел.
Ова е првиот ваков директен конфликт пријавен од почетокот на војната меѓу проиранскиот Хезболах и Израел, објави парискиот весник „Ле Монд“ на својата веб-страница.
„Откако гонеа“ единица на израелската армија која „се обидуваше да напредува“ во градот, борците на Хезболах „детонираа експлозивна направа и влегоа во директни судири“ со израелската армија, се вели во соопштението на движењето.
Хезболах денеска ја презеде одговорноста за 14 напади врз израелски позиции.