Военото крило на Хамас, бригадите Изадин ал Касам, вечерва соопшти дека одлучило да го одложи второто ослободување на заложниците планирано за денеска, додека Израел не дозволи камиони со помош да влезат во северниот дел на Појасот Газа.
Како што е наведено, ослободувањето на заложниците ќе биде одложено додека Израел не ги исполни договорените услови за ослободување на палестински затвореници.
Израел не одговори веднаш на соопштението.
Израелските власти потврдија дека заложниците не се предадени на Меѓународниот комитет на Црвениот крст.
Првата група од 13 израелски заложници држени во Газа беа ослободени во петокот во замена за 39 палестински затвореници од затворите во Израел.
Вчера беа ослободени и десет Тајланѓани и еден Филипинец.
Четиридневниот договор за прекин на огнот стапи на сила вчераутро.
Планирано е во тој рок да бидат ослободени најмалку 50 од вкупно околу 240 заложници на 150 Палестинци од израелските затвори.