Свет „Треба да направиме повеќе“

Гутереш: Светот не е подготвен за нова пандемија

Договорот треба да биде усвоен на Светското здравствено собрание, закажано за 27 мај до 1 јуни 2024 година

Гутереш: Светот не е подготвен за нова пандемија

Генералниот секретар на ОН, Антонио Гутереш рече дека светот се уште не е подготвен за евентуална нова пандемија.

– Треба да направиме повеќе, рече генералниот секретар на ОН по повод Меѓународниот ден на подготвеност за епидемии, 27 декември.

– Мораме да се откажеме од моралната и медицинската катастрофа на богатите земји кои трупаат и контролираат залихи за здравствена заштита за пандемии и да обезбедиме секој да има пристап до дијагностика, лекување и вакцини, рече Гутереш осврнувајќи се на лекциите што светот ги научи од пандемијата на Ковид-19.

На иницијатива на претседателот на Европскиот совет, Шарл Мишел, во Светската здравствена организација (СЗО) во тек се преговори за глобален договор за пандемија со цел подобрување на регулативата и подготовка за идни пандемии.

Договорот треба да биде усвоен на Светското здравствено собрание, закажано за 27 мај до 1 јуни 2024 година. Сепак, нацртот од 30 страници останува многу контроверзен.

Меѓу другото, сегашниот предлог регулира колку брзо се споделуваат информациите за новите патогени, кој произведува вакцини и лекови и каде и како се дистрибуираат. (МИА)

Најнови вести од Свет

To top