Бени Ганц, поранешен началник на генералштабот на израелските вооружени сили и екс-член на воениот кабинет, остро го критикуваше премиерот Бенјамин Нетанјаху и повика на договор за прекин на огнот во појасот Газа.
Ганц, на прес-конференција, истакна дека Израел не треба да ги држи своите војници во Филаделфискиот коридор, спротивставувајќи се на ставот на Нетанјаху, кој смета дека контролата на оваа област на границата меѓу Газа и Египет е од клучно значење за безбедноста на земјата.
Ганц предупреди дека вистинската егзистенцијална закана за Израел е Иран, а не Филаделфискиот коридор, и повика на предвремени избори, истакнувајќи го својот став за напад врз „Хезболах“ за да се запре ракетниот напад од Јужен Либан.