Шефот на турската дипломатија Хакан Фидан утре ќе отпатува во посета на Украина.
Фидан за време на дводневната посета на Киев предвидено е да се сретне со украинскиот претседател Володимир Зеленски, со премиерот Денис Шмигал, со министерот за надворешни работи Андриј Сибиха и министерот за одбрана и главен преговарач Рустем Умеров.
Фидан во Киев повторно ќе понуди Турција да биде домаќин ан понатамошните преговори помеѓу Русија и Украина.
Турскиот министер за надворешни работи на 26 и 27 мај беше во посета на Москва, при што се сретна и со рускиот претседател Владимир Путин, со рускиот колега Сергеј Лавров и со главниот преговарач Владимир Медински.
Во преговорите кои траеја малку помалку од два часа, Русија и Украина се договорија да разменат по 1.000 воени заробеници, што е најголема размена досега, а исто така се договорија да разменат детални предлози за прекин на огнот. (МИА)