Полскиот парламент вечерва го избра Доналд Туск, лидерот на центристичката партија Граѓанска платформа за нов премиер, по осумгодишното владеење на партијата Право и правда на претходниот премиер Матеуш Моравјецки.
Туск стана премиер откако претходно денеска долниот дом на полскиот парламент и изгласа недоверба на владата на Моравјецки.
Туск беше избран за премиер речиси два месеци по парламентарните избори, со помош на коалициските партнери, меѓу кои се и левичари и умерени конзервативци.