Врховниот суд на Бразил денеска едногласно ја потврди одлуката на еден од неговите судии за блокирање на платформата за социјални медиуми Х во сопственост на милијардерот Илон Маск на национално ниво, се наведува на веб-страницата на судот.
Одборот што гласаше беше составен од пет од 11 судии, вклучувајќи го и Александар де Мораес, кој минатиот петок нареди да се блокира платформата затоа што X не го назначи својот правен застапник во Бразил како што налага законот.
Платформата „Икс“ (поранешен „Твитер“) ќе остане блокирана во Бразил додека не ги исполни наредбите и не плати казни кои надминаа три милиони долари, одлучи судијата Де Мораес.
Некои правни експерти ги доведуваат во прашање причините за одлуката и како таа ќе се спроведе, вклучително и Адвокатската комора на Бразил, која наведе дека ќе побара од Врховниот суд да ја разгледа одредбата.
Бразил е еден од најголемите пазари на платформата Х, со десетици милиони корисници, а неговото блокирање претставува драматична ескалација во повеќемесечната расправија меѓу Маск и Де Мораес за слободата на говорот, екстремно десничарските налози и дезинформациите.
„Тој повече пати и грубо го прекрши уставот на Бразил, откако се заколна дека ќе го заштити“, напиша Маск за Де Мораес неколку часа пред гласањето.